Johtolatdárkkistanpolitiijat leat duoguštan biilavuodjinkoartta 41 jahkásaš biillavuoddjis maŋŋil go politiijat mihtidedje su leahtu 93 km/diibmui báikkis gos ii leat lohpi vuodjit go 60 km leahtuin. Son lei vuodjimis E6:a mielge Gárganis go politiijat mihtidedje su vuodjinleahtu, die'ihit politiijat Twitteris.
Sámi allaskuvllas oidnet, ahte dál lea stuorra beroštupmi oahppat sámegiela.
Ollugat leat ohcan sámegiela easkkaálgi kursii, man gohčodit SÁL1 ja SÁL2.
Buohkanassii leat 70 ohcci.
– Min váttisvuohta lea, ahte mis eai leat doarvái fágaolbmot geat sáhttet oahpahit sámegiela, muitala Sámi allaskuvlla rektor Liv Inger Somby.
Son lohká allaskuvlla dál bátnegáskki bargat strategalaččat gávdnat olbmuid geat sin lusa sáhtášedje boahtit bargui ja oahpahit sámegiela easkkaálgiide.
– Jus oažžut vel ovtta dahje guokte oahpaheaddji, de sáhttit duppalastit studeantalogu. Dalle eai leat dušše 15 studeantta, muhto 30, čilge Somby.