Dikta- ja lávllačálli Inger Marie Aikio lea dán jagi almmustahttán mánáide lávlla-CDa. Dál lea dáid lávlagiid maid vejolaš oaidnit DVDas, danne go juohke lávlagiid lea maid ráhkaduvvon musihkkavideo.
Hilda ja Niillas lávluba musihkkavideaos
Lea Hilda Länsman ja Niillas Holmberg geat leaba lávlun «IMA hutkosat» CDii. Soai leaba maid lávlun musihkkavideoi, ja dál lea vejolaš dan oaidnit. Musihkkavideos ovttastuvvet duohta eallin, geaidin ja animašuvdna. Videot leat smávva muitalusažat, mat leat govvejuvvon Buolbmatjávrris, Ohcejogas ja Anáris.
Čuovvuba áiggi
Buvttadeaddjit Inger-Mari Aikio ja Joonas Saari deattuheaba, ahte maiddái sámi mánáidkultuvra eallá dálá áiggis, mas mánáid árgabeaivái gullet videot. «Ima hutkosat» musihkkavideoin soai háliideaba juohkit positiivvalaš gova sámi kultuvrras. Dan soai dahkaba musihka ja ilolaš ja humoristtalaš video-dáidaga bokte.