Therese ja Leo Pettersen Appošosborris Unjárgga gielddas leaba iežaska gilvvavistái/ drivhusii luitán čáži ja jiekŋudan das luisten vejolašvuođa. Dokko bohtet olu mánát luistet.
Luistejedje čakčat
Iežas muitala Lea Pettersen luisten mánnán áiddojikŋon jieŋaid alde, ja dat lei somá. Danne son dál lea hutkan fállat mánáide luistensaji iežaska lieđđešaddadanvistis.
Máŋgalot jagi gilván liđiid
Iežaska muitala son gilván liđiid 25 jagi, ja maŋimus 20 jagi leaba soai gilván 10 -20 000 lieđi dán visttái, muhto dál son gal lea čáži deavdán dán visttái.
Luistejeaddjit illudit
13 jahkásaš Johan Schanche lohká leat buorre go sis lea dákkáraš vejolašvuohta. Iežas muitala maiddái čuoigat. Son gal ovdal ii leat gal luisten, muhto dál de beassá luistet gilvvavistis.
Girječálli Inga Ravna Eira, sámi girječálliid searvvis, lei okta dain gii čuovui seminára.
– Dát mearkkaša hui olu sámi girjjálašvuhtii ja sámi girječálliide, danin go mii leat guhká váillahan girjjiid mánáide erenomážit ja maiddai nuoraide.
Su mielas lea buorre go dákkár seminára dollo, ja muitala ahte sis lea ihttin gis bargobádji mas galget digaštallat mo galget bargat sámi mánáid girjjálašvuođain ovddasguvlui.
Son čilge ahte Sámis eai leat doarvái mánáidgirječállit, ja jus galget eambbo mánáidgirjjit de adnojit eambbo girječállit maiddái mánáid ja nuoraide.
– Jus mis galgá boahtteáiggis gávdnot sámegiella, de fertet mii álgit mánáiguin ja mánáide. Erenomážit dál galggašii dahkkot hui stuorra bargu oažžut olu sámegiel mánáidgirjji.
Son dadjá ahte mánát galggašedje álgit beassat gullat girjjiid dalán go riegádit ja gitta 13-14 jagi rádjái, muhto ahte Sámis eai leat girjjit buot daid ahkásaččaid.
– Min oainnu mielde lea hui dehálaš sámegielat mánáide oažžut dan vásáhusa, girjjit han ovddidit sámegiela ja go mánát gullet iežaset gillii girjji, dain leat máŋggalágan vásáhusa.