Bátnedoavttirstudeanttaid lohkku ferte vuoliduvvot, nu váruha bátnedoavttir ja universitehtalektor Oslo universitehtas, Carl Christian Blich. Nu ahte studeanttat geat válbmejit oahpu eai geava bargguhisvuhtii. Son lea fuolas bátnedivššu dásis, go dat sáhttá njiedjat go iešguđetge bátnedoaktáris eai leat šat nu máŋgasat geat dárbbašit divššu.
Sámi allaskuvllas oidnet, ahte dál lea stuorra beroštupmi oahppat sámegiela.
Ollugat leat ohcan sámegiela easkkaálgi kursii, man gohčodit SÁL1 ja SÁL2.
Buohkanassii leat 70 ohcci.
– Min váttisvuohta lea, ahte mis eai leat doarvái fágaolbmot geat sáhttet oahpahit sámegiela, muitala Sámi allaskuvlla rektor Liv Inger Somby.
Son lohká allaskuvlla dál bátnegáskki bargat strategalaččat gávdnat olbmuid geat sin lusa sáhtášedje boahtit bargui ja oahpahit sámegiela easkkaálgiide.
– Jus oažžut vel ovtta dahje guokte oahpaheaddji, de sáhttit duppalastit studeantalogu. Dalle eai leat dušše 15 studeantta, muhto 30, čilge Somby.