NRK Meny

Lobihis rievssatgielat Porsáŋggus

Boazopolitiijat gávdne ovddit bearjadaga logenar lobihis rievssatgielaid moadde kilomehtera eret lobálaš skohterlahtus Luostejoga guovllus Porsáŋggus. Guovtti gielas gávdne politiijat maiddái rievssahiid, čállá IFinnmark neahttaáviisa.
Boazopolitiijabálvvát ledje guovllus ovddit bearjadaga ja lávvardaga iskamis dikšot go rievssatgielaid eaiggádat bivdobáikkisteaset. Eaiggádat gal eai dihtton, dušše guokte rievssaha mat darvánedje gielaide, dadjá boazopolitiijaid hoavda Inger Anita Øvergård IFinnmark neahttaaviisii.