Lea vuot maŋiduvvon

Nuortasámi musea rahpan lea vuohon maŋiduvvon. Dan čállá Sør-Varanger avis Mátta-Várjjagis.

Statsbyggas eai nagot earret eará doalahit temperatuvrra dássedin visttis danin go áibmobuhtistanrusttet ii vel doaimma.

Dál geahččalit oažžut rusttegiid doaibmat boahtte jagi mielde. Go áibmobuhtistanrusttet ii doaimma, de eai sáhte vurkkodit museadávviriid nugo gáibiduvvo.