NRK Meny
Normal

Nuortasámi Museas ain ollu divodanbarggut

Nuortasámi Musa divodanbarggut ovdánit. Muhto stivrrajođiheaddji ii duostta vel lohpidit goas viessu rahppo almmolaččat.

Østsamisk museum

Nuortasámi musea ii leat vel ge dohkkehuvvon váldit vuostá vuorkkáid.

Foto: Nils Henrik Måsø / NRK

Nuortasámi musea ii leat vel ge dohkkehuvvon váldit vuostá vuorkkáid, vaikko viessu lea ceaggán juo 2009 rájes. Diehtojuohkinčoahkkimis mii dollui mannan vahkkoloahpa bođii ovdan, ahte ain leat ollu divodanbarggut ovdal go viessu sáhttá rahppot almmolaččat, čilge Deanu ja Várjjat museasiidda stivrrajođiheaddji, Steinar Pedersen.

Leat ain ollu divodanbarggut

Steinar Pedersen

Deanu ja Várjjat museasiidda stivrrajođiheaddji, Steinar Pedersen.

Foto: Nils Henrik Måsø/NRK

– Lei lihkku go musea dávvirat eai lean visttis dalle go rohpi golgagođii mannan giđa, de livčče dat buot billašuvvan. Dál lea rohpi áibbas čavddis, ja dat mat eai leat vel divvojuvvon, galget divvojuvvot daid lagamus mánuid boahtte jagi, dadjá Pedersen.

Steinar Pedersen lea ožžon gutni čorget daid váttisvuođaid man sisa Nuorta sámi musea lea dál gártan, muhto son ii duosta dadjat goas musea sáhttá rahppot almmolaččat danne go lea ain ollu bargu čájáhusain.

  • Gula ášši dá: