NRK Meny
Normal

Lávlon vuoiŋŋalaš lávlágiid cd:ii

Sálbmalávlus almmustuvvá farga ođđa cd. Ovdal lea son maid almmuhan vuoiŋŋalašlávlla cd`.

Sara Marit A. Gaup

Sara Marit A. Gaup

Foto: Anne Olli

Sárá Márit A. Gaup lea guovdageaidnolaš, ja son lea máŋga jagi áigi almmustahttán cd` "Vuoiŋŋalaš lávlagat". Dál farga lea su nubbi vuoiŋŋlaš lávlla cd gárvvis. Dáid sálmmaid lávlot dávjá læstadialaš searvegottiin, lohká son, ja iežas lohká Sárá Máret liikot dáidda sálmmaide, danne son daid lávlu.

Gula dáid sálmmaid mánnán

Iežas muitala dáid sálmmid juo mánnán gullan, danne leat dát darvánan su muitui. Son lea dáid lávlon cd:ii danne ammas dát eai vajálduvvošii, ja son áiggošii vel ovtta vuoiŋŋalašlávla cd almmuhit, muhto ii dieđe goas dat boađášii.

Ođđa cd:s vielljat ja oabbá mielde

"Vuoiŋŋalaš lávlagat II" cd:s leat sus vielljat ja oabba mielde. Sárá Máret illuda dáinna go siige serve su cd:ii lávlut. Lohká ahte lea varra buorre gullat earáid jienaid maid, iige dušše su jiena.

CD almmustuvvá lagamus áiggis

Bernt Mikkel Haglund

Bernt Mikkel Haglund

Foto: Anne Olli / NRK

Rieban studio dat lea buvttadan Sárá Máret A. Gaup cd`. Bernt Mikkel Haglund čállá preassadieđáhusastis ahte dát cd almmustuvva dán ođđajagimánu/ guovvamánu molsašumis. Son čállá viidáseabbot ahte lávlagat mat dán cd:s leat, dát leat vižžon vuoiŋŋalaš lávllagirjjis mii lea almmustuvvan 1900-logu álggus. Dáid lávlagiid čállá son dávjá lávlojuvvot læstadiálaš searvegottiin.