NRK Meny

Kvenat beahtáhallan

Norgga Kvenaid Lihttu lea duhtameahttun stádabušeahttaárvalusain. Nu boahtá ovdan preassadieđáhusas masa Ságat-áviisa čujuha. Ráđđehus evttoha 7,3 miljovdna kruvnno kvenalaš doaimmaide, ja dát lea dušše sullii miljovnnakruvdnosaš lassáneapmi diimmá ektui. Lihtu jođiheaddji Hilja Huru cealká dát illá gokčá hadde- ja bálkkágoargŋuma, ja fuomášuhttá earret eará ahte Kvenaid instituhttii, Bissojogas, ii evttohuvvo veahá ge lassáneami.