Buollašat aittan heargegilvvuid lágideapmai. Heargegilvvuid nubbi Suoma boazocup-oassegilvu dollojuvvo vahkuloahpas Levis. Bearjadaga Levis galggašedje gilvalit juniorat ja amas hearggit. Ieš heargecupgilvvut leat lávvardaga ja sotnabeaivve.
Gilvvuid lágideaddji Paavo Reponiemi ii jáhke ahte buollaša dihte gárttašii guođđit gilvvuid doalakeahttá, baicce jáhkká máizat dan veardde ahte bastet čađahit heargevuodjimiid.
Suoma heargevuodjinnjuolggadusain čuožžu ahte buolašrádjá lea -23 gráđa. Galbmagráđaid mihttidit Bálgosiid ovttastumi iežas mihttáriin, muitala Reponiemi. Cállá Ŧle sami radio