Kirkoráđđi dáhtu guorahallojuvvot
Sámi kirkoráđđi doarju duohtavuođakommišuvnna ásaheami, muhto gáibida ahte dakkár kommišuvdna maiddái guorahalašii mo Norgga kirku oasálasttii dáruiduhttimis. Nu celkkii kirkoráđi jođiheaddji, Sara Ellen Anne Eira, Stuorradikki gulaskuddamis dáruiduhttima ja kommišuvnna ásaheami birra. . – Kommišuvdna ferte guorahallat ollu eambbo go dušše dat mii guoská skuvlii ja gillii, lasihii kirkoráđi váldočálli, Risten Turi Aleksandersen.
