Finnmarksløpet beaivválaš jođiheaddji, Gunnar Nilssen, dadjá leavgagáibádusa leat čadnon gilvvu árvui.
Máilmmimeašttirgilvvut
Dán jagi leat gilvvut máilmmimeašttirgilvvut maid riikkaidgaskasaš beanavuodjinlihtu lea sidjiide geigen, ja dat geatnegahttá sin čuovvut njuolggadusaid mat gusket
riikkaidgaskasaš gilvvuide, ja iige dušše daid beanagilvvuid, muhto maiddái buot eará valástallansurggiid njuolggadusaid.
Ii dohkke sámi leavgage
Dán jagi
nammasaš gilvvut vuolggahuvvojit njukčamánu 7.beivvi, Álttás nu go dábálaččat. Gilvvuid neahttasiiddus oidnojit dán rádjai 160:s dieđihan iežaset gilvvuide.Vaikke vel gilvvut ležžet ge guovdu sámeguovllu, de ii dohkke sámeleavga ge, muitala Nilssen, gii čujuha njuolggadusaide.
– Mii leat geatnegahtton čuovvut njuolggadusaid mat gullet riikkaidgaskasaš gilvvuide, ja dalle ii leat vejolašvuohta sámeleavggain boahtit gilvvuide.
Eanet iešstivrejumi maŋis
Katalonia lea guovlu Espánnjas mii háliidivčče eanet iešstivrejumi.
Dalle ii leat várra nu amas go katalonialaš, Cusidó Oliete, aŋkke oaivvilda sin iežaset leavga dat galggašii geavahuvvot, ii dat espánnja, deattuha son.
– Mu mielas galggašii katalonialaš leavga leat doppe.
Nilssen ii sáhte dadjat leago vejolašvuohta vuoddjis iežas reagas atnit katalonia - dahje sámi leavgga, go fal beare registrereha iežas riikka nammii gilvvuide.
Hør på: