Kárášjoga almmái dubmejuvvon 7 jahkái giddagassii
Kárášjoga almmái lea dubmejuvvon Sis- ja Nuorta-Finnmárkku diggegottis čieža jahkái giddagassii go lea oastán, vuovdán, vurkkodan ja geavahan narkotihka, čállá iFinnmark.
Albmá bealušteaddji Gard Lind-Iversen muitala iFinnmárkui ahte almmái áigo guoddalit duomu ja sii dál áigot árvvoštallat guoddalit go muhtun osiid duomus vai olles duomu.
Miessemánus 2021:s dutkagohte politiijat ášši go muhtin olmmoš gávnnai páhka Sámiid Vuorká-Dávvira meahcis Kárášjogas ja das lei narkotihkka.