NRK Meny

Juoga mas Sápmi ferte beassat eret

-Jávohisvuohta, lea juoga mas mii sámis fertet beassat eret ja erenoamážit mii politihkkárat fertet duostat hállagoahtit veahkaválddašvuođa birra mii geavvá sámi birrasiin. Nu lohká sámediggepresideanta Vibeke Larsen raportta hárrái, mii otne almmuhuvvo. Veahkkeásahusat dat vásihit ahte sápmelaččat eai luohte dan mađe stuorraservodaga vuogádahkii ahte sáhttet hállagoahtit veahkaválddil birra mii geavvá bearrašiin. Sámediggepresideanta Vibeke Larsen áigu dál gáibidit ahte eiseválddit bargagohtet áššiin.