NRK Meny
Normal

Juiget liekkusit ja litnásit

«Golbma buolvva - Alit várri» lea luohte-CD mii gieskat lea almmustuvvan. – Dát vuogas luohtešuoŋat liggejit váimmu, oaivvida árvvoštalli go lea gullan CD máŋggas máŋgii.

Golbma buolvva Anne Lise Varsi, Margit Varsi ja Ida Márjá Varsi Solbakk
Foto: Mihkku Solbakk

Dán mánu gávccát beaivvi almmustuvai ođđa luohte-CD mas eadni, nieida ja áhkkut juiget. CD namma lea «Golbma buolvva - Alit várri».

Dás juiget golbma buolvva ovttas ja sii leat eadni Margit Varsi, su nieida Anne Lise Varsi ja Anne Lise nieida, Ida Márjá Varsi Solbakk.

CD:s leat oktiibuot 19 luođi. Almmuheaddji lea ČálliidLágádus.

Dás gulat maid NRK Sámi Rádio árvvoštalli Ánne Olli oaivvilda dán buktagii.