Nieljie jaepieh mænngan dihte asvoeh biejjie dennie onne såålesne Utøya, edtja daelie AUF-noereh åårganisasjovne orre giesie tjåanghkoem båetijen hieljese øørnedh. Joekoen jijnjh noereh sijhtieh daam tjåanghkoem dåeriedidh. 1000 almetjh edtjieh vihth Utøyesne gaavnedidh.
– Daam tjåanghkoem edtjebe mojhtesasse bïejedh. Daan tjåanghkoen bijre sån histovrije gærjine tjaelieh, AUF-åvtehke Mani Hussaini NTBese jeahta.
Eah leah aerebi daan jijnjh noereh Utøyesne tjåankanamme. Daate giesie tjåanghkoe aalka duarstan aejlegen raajan.
Vihkeles tryjjes jih murriedibie
– Iktesth daam sijjiem måjhtajibe daan bovvehjimmen mænnan,jaepien 2011. Tjoeveribie vihth såålem nuhtjedh guktie åadtjebe orre tjoevkes mojhtesh, Hussaini jeahta.
Eah dah noereh åadtjoeh billedh. Tjuerieh tråjjadidh.
– Mov haesteme lea tjuerieh lustestalledh jih murriedidh. Utøyesne åadtjoeh føørhkedidh jih aaj gïknjelidh Husseini jeahta NTBese.
Daan jaepien edtjieh gaskenaasjovne solidariteten bijre soptsestidh. Diekie daan tjåanghkose gussieh båetieh goh AP-åvtehke Jonas Gahr Støre, NATO-åejvie jih aerebi staateministere Jens Stoltenberg jih Barkoebielien krirrien «båeries aahka» Gro Harlem Brunndtland jih jeatjah vihkeles AP almetjh.
Lientsie edtja ensi-laakan daam såålem jih tjåanghkoem geehtedh.
