NRK Meny

Jáhkká oaččut doaibmakonsešuvnna

Ruvkefitnodat Nussir ii dárbbaš sierra luoitinlobi radioaktiiva bázahusaid ovddas, go álggahit veaikiruvke Riehpovutnii, Fálesnuorrái, Oarje-Finnmárkkus. De ii váillo fitnodagas eará go doaibmakonsešuvdna, ovdal go sii sáhttet álggahit ruvkedoaimma Riehpovuonas, Fálesnuoris. Hálddahusdirektevra, Øystein Rushfeldt, jáhkká ahte sii ožžot dán jagis dohkkehuvvot doaibmakonsešuvnna. Fitnodat ferte maiddái gávdnat investoriid ja kapitála álggaheapmái, muhto mihttu lea ahte ruvke álgá doaibmat boahtte jagi rájes.