Suoma sámediggepresideanta Klemetti Näkkäläjärvi, berre oahppat Norgga ovddeš sámediggepresideanttas Ole Henrik Maggas, ja jáget eret ruvkefitnodagaid mat vigget ohcat diamánttaid Sámi guovlluin.
Dan oaivvilda beakkán sámi artista, Niillas Holmberg.
Rio Tinto vuot Sápmái
Karelian Diamond Resources nammasaš Irlándda ruvkefitnodat dat áiggošii ohcagoahtit diamánttaid Ohcejogas. Dán ruovttusiiddus boahtá ovdan ahte máilmmiviidosaš ruvkefitnodat Rio Tinto, galgá beassat ávkkástallat ohcanbohtosiiguin.
Dát lea seamma fitnodat maid Norgga dalá sámediggepresideanta, Ole Henrik Magga, jágii eret Ráiteváris Kárášjotleagis 90-vuođđologus go fitnodat lei ohcamin diamánttaid dán guovllus.
Váikko Näkkäläjärvi vuostálastá diamántaohcamiid, de ii loga iežas sáhttit dahkat dan seamma maid Magga dalle dagai.
- Guldal olles ášši: