Korte nyheter

  • Cuiggoda Máilmmi meašttirčiekčamiid

    Romssa valáštallansearvi, TIL, áigu joatkit cuiggodit dievdduid Máilmmi meašttirčiekčamiid mat lágiduvvojit Qataras boahtte jagi. TIL áigu ovttas Amnesty Internationalain álggahit kampánnja, man mihttu lea čalmmustahttit olmmošvuoigatvuođaid, go boahtte jagi lágidit čiekčamiid. TIL áigu dán jagi maŋemus čiekčamis atnit báiddi mas lea QR-koda. Ulbmil dainna lea go čikčiin váldá gova, de boahtá liŋká kampánnjasiidui mii čalmmustahttá daid hejos beliid Máilmmimeašttirčiekčamiin.

  • Bissehan gumppebivddu

    Beahčeveajis, Nuorta-Finnmárkkus, leat dál gaskaboddosaččat bissehan gumppebivddu. Nu dadjá bivdojođiheaddji Gaute Hallen. Muhtun gumppe galgá speadjan bohccuid ja goddán guhtta bohcco. Ja lea máŋga vahkku aige go lea borgan Beahčeveajis, ja nu ii leat doarvái muohta vai besset guorrat gumppe luottaid, dadjá Hallen.

    Ulv i buffersona i Rendalen
    Foto: Innlandet bondelag
  • Koronapasieanttalohku njiedja

    Koronapasieanttaid lohku geat leat buohcciviesuin njiedja dál. Nu dieđiha Álbmotdearvvašvuođainstituhtta Aftenposten áviisii. Erenomážit vuorraset olbmo lohku njiedja, ja instituhtta jáhkká lohku njiedja go máŋggas leat bijahan goalmmát koronaboahku. Ja measta gávcci, logi olbmos geat leat badjel 75 jagi leat bijahan goalmmát boahku.

    Isolat, Sykehuset Østfold, Kalnes.
Infeksjonsmedisin, døgnområde 2.
    Foto: Heidi Gomnæs