Isket lobálašvuođa
Golbma áirasa Omasvuona suohkanstivrras dáhttot Romssa fylkamánni iskat lobálašvuođa suohkanstivra ekonomiijaplána dohkkeheamis juovlamánus diibmá. Go dohkkehedje plána dearvvašvuođasuorggis, de mearridedje heaittihit Åsen ovdamorašguovddáža Háhttas (Hatteng). Fylkamánni bivdá suohkana fuolahit sidjiide buot dieđuid áššis, vai besset iskat lobálašvuođa dien mearrádusas.