NRK Meny

Iskan olu skohtervuddjiid ikte

Politiijat sihke Davvi-Romssas ja Finnmárkkus leat ikte čađahan skohterbearráigeahčuid, earret eará helikopteriin. Romssa beal válddahalle gávccis lobiheamet vuodjime skohteriiguin. Álttás váidojuvvui okta olmmoš go lea luoikan skohtera 11-jahkásaš mánnái gii lei akto vuodjime. Porsáŋggus váidojuvvojit njealijis lobihis vuodjima dihte ja okta go ii leat oaivesuoji geavahan. Kárášjogas sáhkkohalai okta go ledje golmmas skohtera nalde, ja Čáhcesullos ges okta go ii geavahan oaivesuoji. Deanus ges váidojuvvo okta skohtervuoddji gárrenoaivvils vuodján.