Irggástallanfilbma attii vuoittu

Filbmadahkki ja koreográfa, guovdageaidnolaš Elle Sofe Sara, bálkkašuvvui Torontos Eamiálbmogiid ImagineNative-filbmafestiválas. Sara vuittii The Moon Jury bálkkašumi oanehisfilmmain «Ribadit/ Pulling in the belt». Filbma muitala sámi irggástallanvierus, mas lávejedje gaikut nieiddaid boahkánis. Filmmas guokte vuorrasat olbmo muitaleaba iežaska vásáhusaid ja nuorra dánsut ealáskahttet árbevieru dánssaineaset, dieđiha YLE Sápmi.