Illuda jienasteaddjin

Danne lea son vuosttas gearddi beassan jienastit suoma Sámediggái dán čavčča ja dat lea bajidan su árvvu.

– Mun lean duođaid ilus go beasan eallit nu go mu váhnemat ja máttarváhnemat leat eallán. Mun lean sihke badjeolmmoš ja guolásteaddji sápmelaš.

Lossat

Muhto ovdal dan lea leamaš unohas go Sámediggi ii leat gal atnán su sápmelažžan ja dat lea leamaš hui lossat sutnje go ferte bealuštit iežas sápmelašvuođa.

– Mun in duosa sáhte dadjat maidige. Lea go dat ahte eai min anársápmelaččaid dohkkehivčče dahje mis livččii dárbu beare "čájehat" dakkárin. Mun in máhte dasa dadjat maidige.

Son ja ollu earát, guoddaledje ášši suoma Alimushálddahusriektái, mii doarjjui sin sápmelašvuođa gáibádusa, ja attii jienastanvuoigatvuođa.

Dán mearrádusa dorjot máŋga sámediggeáirasa, nugo Anu

Avaskari ge.

– Dat han lei buorre. Mu mielas dat lei váigadis áigi go olbmot eai beasa Sámedikki jienastuslohkui.

Dát njuolggadusat mearridit gii lea sápmelaš.
Daid lea dán vuoru suoma Alimushálddahusriekti tulkon láivvibut go Sámediggi, ja danne lea Anttila ja 92 eará beassan jienastuslohkui.