NRK Meny
Normal

Illuda go lea beassan Norgga dutkanráđi lođaide árbevirolaš dujiin

Sámi gákti ii leat miige ođđa hutkosiid, dattege lea kárášjohkalaš Inga Porsanger beassan gávttin Norgga FoU, dutkan ja ovdánahttin searaid searvái. Son lea ráhkadan ođđa neahttaprográmma mii ii vel leat gávdnamis eará buvddain, muitala InKa buvdda Inga Porsanger.

Inga Porsanger

InKa duodjegávppi Inga Porsanger lea ilus go lea beassan dutkiid ja ealáhusovdánahttin searaid searvái

Foto: Marit Sofie Holmestrand

Inga Porsanger fuomášii ohcat doarjaga "Skattefunn" nammašas ásahusas, danne go lei hutkan juoga ođđa. Son lea hutkan juoga maid ieš gohčoda KOFTECREATOR. Dáinna sáhttet olbmot geat áiggošedje gávti tiŋgot, ieža bidjat dasa iežaset mihtuid. Iežas mihtuid mielde goaruhit gávtti, mihtidit olggis oalgái.

Ruhtagáldu gos sáhttá ruhtaveahkki ohcat

Inga Porsanger muitala iežas ohcan ruđa «Skattefunn» nammasaš ásahusas. Son ii riekta dieđe man olu son oažžu, muhto diehta ahte oažžu proseanttaid mielde ollesgoluid ektui.

«Skattefunn» lea ásahus gos olbmot geat hutket juoga ođđa, sáhttet ohcat doarjaga.

Illuda go lea beassan dutkaráđi lodaide

Inga Porsanger

Inga Porsanger goarru vaikke makkáraš gávttiid, iige dál dárbbaš su lusa boahtit, sáhttá álkidit tiŋgot gávtti neahta badjel.

Foto: Marit Sofie Holmestrand

Eanemusat lohká illudit go son lea sámi árbevirolaš dujiin, gávttiin, beassan dutkanráđi lođaide dahjege skuffaide. Iežas lohká áinnas geahččalit hutkat ain eanet, de soaitá beassat eará árbevirolaš dujiinge Norgga FoU, dutkan ja ovdánahttin searaid searvái.