Hopp til innhold

Korte nyheter

  • Áššáskuhtton suohkandoavttir váidá váidaleaddji

    Ovddeš suohkandoavttir Frosta suohkanis, gii lea áššáskuhtton rohčošan pasieanttaiguin, lea váidán ovtta váidaleaddji gii galgá boasttu čilgehusa addán, muitala advokáhtta Karl Bjørnar Olsen.

    Advokáhta lohká:

    – Dát čájeha man dehálaš lea vuđolaččat iskat váidalusaid ja addit vejolašvuođa vuosttaldit váidalusa.

    Guorahallanjođiheaddji Eivind Guldseth duođašta ahte politiijat dihtet ahte suohkandoavttir lea váidán ášši, ja sii vurdet gieđahallat ođđá ášši dassážii go leat dálá ášši geargan dutkame.

    Doavttir čuoččuha ahte su vuorkkás leamaš videomateriálat ja journálat mat duođaštit su čuoččuhusa áššehisvuođas.

    Veagalváldináššis leat fárus 89 veagalváldima áššehasa ja politiijat leat gieskat viiddidan áššáskuhttináigumuša fátmmastit veagalváldima 34 áššis.

  • Lávre lávlu ođđa šuoŋas "Duohta Lieđit"

    Bearjadaga almmuhii artista Lávre šuoŋa «Duohta Lieđit». Dát lea vuosttas šuokŋa mii lea su boahttevaš albummas.

    Namma «Duohta Lieđit» vuolgá das go dát leat čába lieđit mat leat liđđon váttisvuođaid čađa. Lávlla muittuha ahte álo gávdno doaivva, daddjo preassadieđus lávlaga birra.

    Buorre beaivi, Sápmi sáddagis besse olbmot su gullat njuolgga lávlumin dán lávlaga.

    Lávre Johan Eira
    Foto: Pressebilde / Riddu Riđđu
  • Sámegiel nama Innlandet fylkii

    Innlandet fylkkadiggi galgá mearridit galgá go fylkkas maiddái leat máttasámegiel namma.

    Fylkkalávdegoddi hilggui dán vahkus árvalusa ja mearridii bidjat nammaášši gulaskuddamiidda.

    Ovddádusbellodaga Truls Gihlemoen lei áidna guhte jienastii vuostá go oaivvilda nama buktit dárbbašmeahttumis lassigoluid fylkkagildii.

    Mona Cicilie Stormoen Bargiidbellodagas dadjá gis iežaset leat geatnegahtton bidjat maiddái sámegiel nama Innlandet fylkii.

    Det nye fylkesskiltet til Innlandet fylke.
    Foto: Mette Finborud Børresen / NRK