Ii siđa vuostáiváldima gildii
Deanu ráđđealmmái ballá ahte rihkolašvuođat lassánit jus gildii šaddá dorvoohccivuostáiváldin, čállá Ifinnmark. Deanu ovdagoddi mearrida duorastaga maid dahket Sieiddá skuvlain, mii lea vuovddemassii. Eará gielddaid vásáhusat sihke Norggas, Suomas ja Ruoŧas čájehit ahte veahkaválddálašvuohta ja rihkolašvuođat soitet lassánit go ásahit dorvoohccivuostáiváldima. Dán čállá ráđđealmmái mearrádusárvalusas ovdagoddái.