NRK Meny
Normal

-Ii mánáidgárdeheahti Finnmárkkus

Ráđđehus lohpidii buot Norgga mánáide saji mánáidgárdiidde ovdal 2008. Dát guoská sidjiide geat leat ohcan ovdal njukčamánu 1.beaivve.

Kirsti Saxi
Foto: Finnmark fylkeskommune

Finnmárkus leat ollašuhtán dán. Muhto sii geat leat maŋŋit ohcan leat dál vuordimin saji.

Vurdet mánáigárdesajiid

Mhttodepartementta rápportasmii mánáidgárdde-statistihkain, čájehit ahte Finnmárkus ledje čakčamánus 50 máná geat vurde mánáidgárdesajiid. Dáid loguin leat dušše sii mielde geain ii oba gávdnoge fálaldat. Sii geat leat omd fárremin ja leat ohcan eará sajis eai leat rehkenaston mielde.

Gieldda ovddasvástádus

Gielddain dat lea ovddasvástádus láhčit mánáidgárdesajiid, oahpahusdirektevra Finnmárkus Kirsti Saxi lohká dehálažžan ahte gielddat čuovvolit áššiid.

19 gielddas Finnmárkus vurdet mánát 10 gielddas mánáidgárdái beassat. Vuordináigi sáhtá ain šaddat guhkki. Saxi lohká muhtimii fertet vuorddašit gitta čakčii go boarraseammos mánát álget skuvlii.

Eai berre hukset

Saxi ii ávžžut gielddaid huksegoahtit mánáidgárddiid ovdal boahtte čávča. Boahtte ohcanáigemeari maŋŋel eai soaite dárbbašit eambbo sajiid.

Jus lihká boahtteáiggis váilot mánáidgárdesajit, de sáhtá dát dilli oalát rievdat. Dál lea ođđa mánáidgárde-láhka gulaskuddamis. Das lea árvaluvvon ahte váhnemiin Norggas lea riekta oažžut mánáideaset mánáidgárdesaji. - Dalle leat gielddat geatnegahtton láhččit buot mánáide sajiid, lohká Kirsti Saxi.