Ii lohpit heahteveahki boanddaide

Boanddat eai oaččo lohpái ruhtaveahki maŋŋel goike geasi. Hástalussan lean ahte goikkadat leat ollu báikkiin billistan suoidnešattu. – Juste dál eat sáhte lohpidit maidege, lohká Norgga eanandoalloministtar Jon Georg Dale. Eanandoalloministtar deaivvada otne boanddaidorganisašuvnnaiguin ja de áigot sii vuohon bivdit heahteveahki stáhtas. Muhto ministtar dadjá juo ovdal čoahkkima ahte sii eai leat árvvoštallame dan ja lohká ahte sii fertejit oaidnit movt dilli duođai šaddá. Son čujuha dasa ahte gávdno juo buorre heahtebuhtadusortnet boanddaide ja dán bohtet geavahit. Ministtar lohká ahte sii leat juo geahččalan veahkehit boanddaid ja rahpan vejolašvuođa fuođđariid buktit olgoriikkain Norgii.