Norgga neavttár Knut Walle gii lea bargan dáiddalaš jođiheaddjin Beaivvážis 90-logus, lohká ahte Sámi álbmot maid dárbbašit kulturásahusaid nu mo dáža servvodagas juo leat, nu mo Operavistti Oslos mii mávssii badjel 4 miljárdda hukset.
– Sierra viessu livčče mealgat hálbbit
Cegget sierra viesu Sámi našunálateáhterii livčče mealgat hálbbit - moadde čuođi millijovnna.Vaikke Sámediggi čađat lea čuoččuhan dán stuorra dárbun, de dadjá stádaministtar Erna Solberg ahte sámi teáhtervistái ii gávdno ruhta dál.
Ávžžuha muittuhit
Neavttár Knut Walle ávžžuha ain sámi ásahusaid muittuhit eiseválddiid mo sámi ásahushuksen ii leat dušše sávaldat, muhto maiddái eiseválddiide geatnegasvuohtan. Sámi Teater ii leat ávkin dušše sámiide, muhto maid eanetlogu álbmogii mii dan bokte maid lahkona sámi kultuvrra.
Guldal olles ášši: