Ii beasa sámi mánáidgárdái
Beannot jahkásaš Iskku-Mahtti ii leat buresboahtin Málatvuomi sámi mánáidgárdái. Sivva dasa lea go vánhemiin ii leat sámegiella vuosttašgiellan. Iskku-Mahti áhči Ronald Kvernmo mielas lea áibbas dohkketmeahttun hilgut máná, go ii han mánná leat álgán hupmat makkárge giela vel. Mánáidgárddi stivrrajođiheaddji Anne Oskal Rørslett ii loga sáhttit váldit earágo ovtta dárogielat máná hávális, vai sámegielat mánáidgárdemánáid giella ii báidnahuva dárogillii.