NRK Meny
Normal

Ieš

Pronomen "ieš" geavahuvvo ee. refleksiivapronomenin, ja dalle dat dábálaččat čujuha cealkaga subjektii.

Matpakke
Foto: Photographer: AoB / NRK

Persovdna- ja lohkomearrideaddji

Dasa masa ieš-pronomen čujuha, dat dat mearrida persovnna ja logu. Cealkagis Mun mávssán iežan ruđain sátni iežan čujuha ruovttoluotta sátnái mun. Dat mearkkaša ahte sániin mun ja iežan leat seamma persovdna ja lohku.

Don ieš

Nominatiivahámit leat oamastangehčosiid haga. Ovttaidlogus lea ieš ja guvttiid- ja máŋggaidlogus gis ieža, omd. don leat ieš oaidnán, doai leahppi ieža oaidnán, dii lehpet ieža oaidnán.

Mu iežan

Akkusatiiva-genitiivahámiin lea oamastangeažus, omd. Mun válden iežan niibbi.

Sudnuide alcceseaskka

Illatiivahámiin lea oamastangeažus, omd. Soai huksiiga alcceseaskka stuorra dálu.

Sis alddiineaset

Lokatiivahámiin lea oamastangeažus, omd. Sis lea alddiineaset niesti mielde.

Munnuin iežaineame

Komitatiivahámiin lea oamastangeažus, omd. Moai jurddašeimme iežaineame.

Iehčaneame

Essiivahámiin lea oamastangeažus, omd. Gal moai goste iehčaneame nai.

Ieš-pronomenhámit oidnojit dás: Pronomenat