NRK Meny

Homofiillagažaldat earuha

Guovttis Davvi-Hålogalándda bismaválggaid golmma evttohasas eaba leat mielas dasa ahte homofiillat besset náitalit.
Ikte almmuhuvvojedje dat golbma finalistta geaid gaskkas Girkoráđđi galgá válljet ođđa bismma, ja sii leat Álttá proavas Olav Øygard, Romssa duopmoproavas Herborg Oline Finseth ja Girkoráđi ossodathoavda Hans Arne Akerø. Øygard ja Akerø leabage homofiillaid náitima vuostá. - Jus Olav Øygard loahpas válljejuvvo bisman, de lea dat homopolitihkalaš nammadeapmi, lohká báhppa Kirkenytt-váldodoaimmaheaddji Svenn A. Nielsen NTB ođasdoaimmahahkii. Girkoráđđi dat nammada ođđa bismma čakčamánu 24. beaivvi.