Hirpmástuvvan Norgii
Sámiráđđi dieđiha ON lahttostáhtaide, EU:i ja Eurohpáráđđái ahte Norga badjelgeahččá nállevealahuskomitea mearrádusa. Dan dahká ráđđi danin go Norgga stáhta ii čuovvulan nállevealahuslávdegotti (CERD) mearrádusa bissehit bieggafápmorusttegiid huksemiid Fosenis Trøndelágas. Fovsen Njaarke lea moaitán huksemiid CERD:i go oaivvildit ahte eai sáhtte atnit eatnamiid šat guohtumiidda. Plánejuvvon bieggamillopárka šaddá Eurohpá stuorámussan. Sámiráđi presideanta, Åsa Larsson Blind, lea hirpmástuvvan go Norga ii jeagat ON soahpamušorgána.