NRK Meny

Hilggui buhtadusa gáiccaboanddaide

Gáivuona ovdagoddi hilggui odne juolludit buhtádusa gáicanávetdoallui Miessegiettis, gos Siv Nina ja Roald Myrvoll diibma čakčamánus šattaige hoahpus fárrehit buot iežaska gáiccaid go Vuoksáváris lei luovvanan báktebihttá náveha bajabeal. Boanddaguovttos njuovaheigga buot gáiccaid, ja leaba gáibidan 250.000 ruvnno buhtádusa. Gáivuona sátnejođiheaddji Svein Leiros čilge dán váttis áššin, muhto suohkan ii oainne ahte sii leat sivalaččat dása go sis lei eará čoavddus áššái go dan ahte njuovahit buot doalus.