Hopp til innhold

Cupa ásaduvva juska balon li vierttihi hæhkkat hiejtedit

Jus koronadille ietjájduvvá, jali jus rávtjádagáv dahká, de vierttihi cupav dalá hiejtedit. Dav diedet ásadiddje dán jagásj Hellmocupas.

Musken kunstgress

Jus dal korona i hæhkkat njoamo, ja jus dálkke buoragit bissu, de sjaddá Hellmocupa dán jage dahkorássesaljon Måsken Hábmerin.

Foto: Sander Andersen / NRK

Dán váhko l Julevsáme vahkko Hábmerin. Ja vahkkoloaben de HellmoCup ásaduvvá Måsken Hábmerin

Dijmma ettjin besa dav vargga 50 jahkásasj árbbedábálasj dahpádusáv ásadittjat; ulmutjijt tjoahkkitjit bállov tjievtjatjit ja aktan hávskkudalátjit.

Valla dán jage de lij mierredam cupav ásadit juska ballo korona hæhkkat suohkanin njåmmmu, jali jus rássjodálkijn boahtá.

– Ulmutja riek ávvudalli gå de vat máhttep tjåhkanit, ja sij gudi årru dánna Måsken riek ávvudalli, javllá Stina Johnsen guhti l Hellmocupa jådediddje.

Dánna de besa tjåhkudallat madi gehtja gå tjiektji.

Dánna de besa tjåhkudallat madi gehtja gå tjiektji.

Foto: Privat

Hiejtedit

Da la Doajmmasiebrre Julevsábme (DSJ) mij dáv cupav Måsken Hábmerin ásat. Stina Johnsen la tjielgas jus korona hæhkkat cupa åvddåla, jali cupa bále, suohkanin njoammogoahtá, jali jus vastes dálkev dahká. De vierttiji dalá ásadimijt hiejtedit.

– Mån lav suohkana bajeltdálkudiddjijn ságastam gåktu dáv gárvedit ja gåktu dahkat. Jus koronadille hæhkkat ietjájduvvá, de cupa dalá hiejteduvvá. Ja jus rássjodálkev buktá, de vierttip cupav hiejtedit, javllá Johnsen.

Johnsen tjielggi sivá dasi le gå dán jagásj cupa vuodon la divna ásadime tjadáduvvi jus dåhkki ålggon liehket.

– Mij lip dal riek gárvvása vájk makkár dille sjaddá, ja vájnnodip ulmutjit aj liehket gárvvása ja aj njoammomnjuolgadusájt tjuovvot.

Stina Johnsen, Hellmocupa åvdåstiddje

Stina Johnsen la ållu bivásgálluj barggam HalmoCupav háldadittjat.

Foto: Privat

Vierttihi várrogisá liehket

Johnsen subtsas plánim lij dán jagásj cupav gånnå njoammomsuodjalus la ájnnasamos.

Juska ålos båhti Måsskåj dajt biejvijt, de jáhkká Johnsen dát buoragit galggá mannat.

– Mij lip koronadile diehti ietjá lahkáj hæhttum ájádallat dagu gåktu ulmusjfuovav stivrrit gå de galggi dagu biebmojt oasstet ja bårråt, ja gånnå bessi tjåhkudallat kámpajt gehtjatjit. Nav de jáhkáv dát galggá buoragit mannat jus dal ulmutja ietja lij várrogisá.

Vissjalissat lij de måskega barggam HellmoCupaj saljojt gárvedime.

Vissjalissat lij de måskega barggam HellmoCupaj saljojt gárvedime, ja oabme skåvllåtsiekkadusáv gárvedime.

Foto: Privat

Moadda ietjá dåjma

Álggo cupan lej 1972, ja cupa l vargga juohkka jage ásaduvvam. Dijmma ettjin besa korona diehti.

– Dán jage vuojnnet la rekord galla juohkusa ålmmåj gaskan båhti tjievtjatit, javllá Stina Johnsen.

Johnsen doajvvu ienep nissunjuohkusa båhti oassálastátjit, ja mujttádahttá Hellmocupa ij la ájnna ásadus Måsken dan vahko.

– Duodden cupaj ásaduvvá aj bállotjiektjamskåvllå biejvet cupa åvddåla guhti de Erik Anders Sæter jådet. Ja de la aj adnosjaddoåhtsåm Måsken dijstagá dan sæmmi vahko, ja de dájvvim duorastagá. Guokta riek geldulasj dahpádusá. Duodden aj subtsastumbåddå mánájda ja nuorajda duorastagá, duoddi Johnsen.

Máná ja nuora aj bessi tjievtjatijt sierra juohkusin. Ja gå la badjelasj 14 jage, de besa stuoragij siegen tjiektjat.

– Stuoragij cupa álggá bierjjedagá. Ja lávvodakiehkeda la de finálla, hæjttá rahtjalis, valla huoman loajtos Stina Johnsen.

Duodden li aj mánáj- ja nuorajkámpa.

Korte nyheter

  • Flere fiskere må få tilleggskvote i samiske områder

    Alle yrkesfiskerne med de minste båtene må få tilleggskvota (kystfiskekvota) i de tradisjonelt samiske bosettingsområdene. Det beslutta et stort flertall i sametinget i dag i behandlingen av den årlige fiskerisaken. Vedtaket ble støtta av alle partier bortsett fra Nordkalottfolket og FrP.

    Kystfiskere i åpen gruppe får i dag en tilleggskvote på torsk i 30 kommuner i Troms og Finnmark og to kommuner i Nordland, samt av Tromsø kommune, tidligere Skånland i Tjeldsund kommune og deler av Narvik.

    I år er kystfiskekvota på 4,5 tonn ekstra, som kan bety oppmot 100.000 kr i ekstra inntekt for fiskere i åpen gruppe.

    Kystfiskekvota som også blir kalt for samekvota ble innført i 2011 og besluttes etter årlige konsulteringer med sametinget og Bivdu foreningen.

    Sjark på vinterfiske
    Foto: Knut-Sverre Horn / NRK
  • Mii eat leat goassege ovdal borran ná olu bierggu go dál

    Nu čájeha Dearvvašvuođadirektoráhtta jahkásaš Norgga biebmodábiid -raporta.

    2020:s borai okta olmmoš gaskamearálaččat 74,7 kilo bierggu jahkásaččat. 2021:s borai gis okta olmmoš gaskamearalaččat 79,1 kilo jahkásaččat. Raporta čájeha maid borrat unnit ahte unnit guoli.

    – Vahát, muhto nie dat lea. Min mielas livčče eanebut galgan válljet mearraborramuša ovdalii rukses bierggu, dadjá Dearvvašvuođadirektoráhtta divišuvdnahoavda Linda Granlund.

    Ulike kjøtstykker ligg i ein kjøtdisk på rekke og rad. Ein ser for det meste rått, raudt kjøt, men der ligg også marinert kjøt og rulla og bundne steiker. Ved nokre av kjøtstykka ligg lappar som det står "Håland kjøtt" på.
    Foto: Odin Omland / NRK
  • NOAH moaitá ráđđehusa

    Noah, elliidvuoigatvuođaid organisašuvdna, moaitá go eiseválddit siđašedje eahpedábálaš goddebivddu dálveáiggi. Birasdirektoráhtta ja Biebmobearráigeahčču lohket dán liigebivddu sáhttit eastadit oaivevuori leavvamis.

    Noah moaitá erenoamážit dan go sáhttá addot vejolašvuohta gottiid bivdit vuoji sihke skohteriin ja helikopteriin.

    – Lea elliidbiinnideapmi, čállet preassadieđáhusas.

    Villrein nær der Eidfjord Resort er planlagt
    Foto: Asle Øydvin