NRK Meny
Normal

Hedda bálkkašupmi Beaivvážii?

Aitto gullostii ahte Beaivváš Sámi Našunálateáhter lea nammaduvvon Hedda-bálkkašupmái, mii lea Norgga deháleamos teáhterbálkkašupmi, “dán jagi čájálmasa” bálkkašupmái.

Njuorju Nillá

Čujuhusgovva

Foto: Aslak Mikal Mienna / Beaivváš

Moadde vahkku dassái gullostii ahte Beaivváš Sámi Našunálateáhter lei nammaduvvon dán jagi Hedda-bálkkašupmái, Norgga deháleamos teáhterbálkkašupmi. Beaivváš lea nammaduvvon “dán jagi čájálmas” suorgái,iežas čájálmasain “Vidas Extremas».

Vuoitán

Sotnabeaivve geassemánu 12.beaivvi de almmuhuvvo ja geigejuvvo Hedda-bálkkášupmi vuittiide Nationaltheatret:is Oslos. Beaaivváš Sámi Nationálateáhtera hoavda, Rolf Degerlund lea Oslos sotnabeaivvi ja soaitá ge de doppe jo oažžut hui buriid ođđasiid, muhto son oaivvildage ahte “teáhter jo lea vuoitán go lea nammaduvvon”.

Lassin teáhtera nammadeapmái, maya-sámi-dáro čájálmas “Vidas Extremas – dánsa eallima ravddamusas”, leat njeallja eará čájálmasa maid nammaduvvon seamma bálkkašupmái. Dá govas teáhterhoavda Rolf Degerlund go čuččoda dan mii duođašta dan áidna Hedda-bálkkašumi teáhter (nubbe govva, veallut) obanassiige lea ožžon, nammalássii jagi 2000is, kategoriijas “buoremus lávdi ja biktasat”, čájálmasas “Vølundda muitalus”, čálli Adam Levine.

Dalle 2000is lei Biret Maret Hætta bivttashábmejeaddji ja Aage Gaup fas lávdehábmejeaddji. Dán háve leat buot neavttárat, dáiddalaš jođihanjoavku ja olles teáhter, ovttas ovttasbarggubuvttadeddjiiguin ja buohkat buvttadusas, geat lea nammaduvvon ja geat soitet geahččat bearrái ahte ođđa Hedda statueahtta darvvihuvvo betoŋgaseaidnái suohkanlaš kulturvissui Guovdageainnus, gos Sámi Našunálateáhter doallá viesu.