Heahtedilli Finnmárkku eanadoalus

Stuorradiggeáirras Vera Lysklætt oččoda eambbo nuoraid Finnmárkku eanadollui ja bivdá eanadoalloministáris veahki.

Vera Lysklætt, (V)
Foto: Sigurdsøn, Bjørn / SCANPIX

Finnmárkku boanddaidsearvvi jođiheaddji, Fred Johnsen rámida dán barggu, go su mielas lea dál duođai dárbbašlaš oččodit eanet olbmuid ealáhussii.

Gaskamearálaš ahki Finnmárkkus lea badjil 50 jagi, ja dál leat meastta 170 mielkedoalu ja 140 savzadoalu vel báhcán.  Jahkásaččat ohcet 400 olbmo eanadoallodoarjaga.

GULDAL: Boares boanddat

Unnáša logu

–Dat eai leat šat gallis, lohká Finnmárkku boanddaidsearvvi jođiheaddji Fred Johnsen. Maiddái sii leat áššin bargan, deattuha Johnsen.

Gurotbellodaga Stuorradiggeáirras, Kárášjohkalaš Vera Lysklætt lea gulahallan Finnmárkku Boanddaidservviin dan birra go nuorat eai bargagoađe ealáhusas.

Son diehttá ahte ollu doalut heaittihuvvojit go nuorat eai bargagoađe. Lysklætt lea jearran eanadoalloministtaris mo oččodit olbmuid ealáhussii vai doalut eai heaittihuvvošii.

Váttisvuohta olles Norggas

Eanadoalloministtar Terje-Riis Johansen vástida seamma váttisvuođa gávdnat miehtá Norgga, danin čujuha rekruterenprográmmii maid mannan jagi álggahedje, mainna lea ulbmil sihke nieiddaid ja bártniid movttidahttit eanadollui.

Eanadoalloskuvlla bisuhit

Vera Lyslætt kommentara dien vástádussi lea ahte ferte sihkkarastit Deanu eanadoalloskuvlla boahtteáiggi, seammás fertejit ealáhusas leat mielde hábmemin boahtteáiggi, deattuha Kárášjohkalaš.

Vera Lysklætta eat leat oččon ságaide dán áššis, muhto Fred Johnsen sávvá čovdosiid fargga gávdnat rekruteren barggus maid, nu go buori eanadoallošiehtadusa bokte: