NRK Meny

Háliidit ovtta stuora suohkana

Evenášši, Dielddanuori ja Skániid ássit háliidit ahte sin suohkanat ovttastahttojuvvojit. Skániid suohkanis háliidit 78 % ássiin ovtta stuora suohkana, nu čájeha ássiidiskkadeapmi. Oktiibuot leat 200 olbmo jearahallojuvvon. Muhto ássit leat eahpesihkkarat ahte galgá go dat stuora suohkan gullat Romsii vai Nordlándii. Álbmotakšuvnna jođiheaddji Terje Bartholdsen lea čađahan iskkadeami ja son lea hui duhtavaš bohtosiin.