Háliida ođđa álbmotjienasteami

Skottlándda vuosttasministtar Nicola Sturgeon ángirušša vai oažžošii ođđa álbmotjienasteami Skotlánda bissumis oassin Stuora Britannias. Badjel bealli skotlándalaččain jienastedje bissuma bealis 2014. Ministtar oaivvilda, ahte ođđa álbmotjienasteami ferte lágidit vai skotlándda beroštumit váldojuvvojit vuhtii go de Stuorra Britannia loahpalaš earráneapmi EUas láhkona. Skotlándalaččain 62 prosentta háliidedje bissut Eurohpa Uniovnnas go diibmá jienastuvvui Brexitas.