NRK Meny

Hálidit oahpahit Maori giela

Aotearoa Ruona Bellodat lea dán vahkkus almmuhan ahte sii dáhtošedje buot mánáid Aotearoas oahppat Maori giela. Ruona bellodat lea maid iežas geatnegahttán ráhkadit vuđolaš plána mo dien áigumuša sáhtášii čađahit. Vaikko vel Maori giela seailluhanbargu leage ovdánan maŋemus logijagiid, de ii leat velá giella dan dilis ahte livččii sihkkar ahte giella seailu oaivvildit Ruona Bellodagas. Bellodaga mielas ii leat doarvái ahte giella seailu, muhto lea dehálaš ahte eambbogat hupmagohtet Maori giela. Dan dihte lea dehálaš ahte buot mánát skuvllain oahpaše Maori giela.