Hætta Isaksen almmuha girjji
Sámi artista Ella Marie Hætta Isaksen, guhte lea lávlu ISÁK-joavkkus ja lea oassálastán ja vuoitán Stjernekamp-gilvvu 2018:s, almmuha iežas vuosttaš girjji mas lea namma «Derfor må du vite at jeg er same».
– Mun lean nu rámis ja dá lea juoga mainna mun lean guhká juo bargan, čállá Isaksen Instagram:as.
Son háliida ahte girjji galgá leat veahkkin sidjiide geat eai máhte nu ollu sámi kultuvrra ja historjjá birra, seammás go son maid háliida ahte earát galget dovdat gullevašvuođa dása. Girjji sáhttá oastigoahtit golggotmánu 8. beaivve rájes.