Norgga boazosápmelaččaid Riikasearvi vásiha ahte boazoeaiggádat leat duhtameahttumat go eai dieđe ožžot go sii dan hatti maid ánssášit bohccuid ovddas maid vuvdet njuovahagaide.
Buoret luohkká, buoret haddi
– Dat ii leat dohkálaš dilli masa dál ferte gávdnat čovdosa, lohká Norgga boazosápmelaččaid riikasearvvi jođiheaddji, Nils Henrik Sara.
Dal eai leat Norgga boazonjuovahagain makkarge oktasaš njuolggadusat mo meroštallat gorudiid iešguđege hadde-luohkkaide. Almma makkarge bealakeahtes darkkisteame. mearridit njuovahagat ieža makkar haddeluohkkai juohke boazu gullá; mađi buoret luohkka, dađi buoret haddi.
Oktasaš vuođđu
Norgga golmma stuoamus njuovahagas, Aage Pedersen AS:as, Varanger Vilt ja Stensaas:as leat iešguđegelágan vuogit mot meroštallat gorudiid luohkkáide.
Stáhta lea dal juolludan 2 million ruvnnu bargojovkui mii galggašii gavnnahit oktasaš njuolggadusaid njuovahagaide.
Dálá dilli ii leat buorre lohká Animalia organisašuvnna fágahoavda, Morten Røe, geas lea klassifiseren ovddavástadus eanandoalus.
Nu guhká go eai leat njuolggadusat de šadda dákkar eahppeluohttamušdilli.
Guldal: