– Nuoskkideami ferte eanet vearuhišgoahtit boahtteáiggis, ja seammás unnibut vearuhit barggu ja árvoháhkama.
Dán dadjá Gurutbellodaga stuorradiggeáirras, Ola Elvestuen.
Su mielas lea ártet ahte Norgga stáhtaministtár, Erna Solberg, ii fuomášuhttán dálkkádatheahtedili ja nuoskkideami iežas ođđajagisártnis, nu go sámediggepresideanta, Aili Keskitalo (NSR), dagai.
– De raba čalmmiid, stáhtaministtár
– Lei bures dadjon Aili Keskitalo bealis, go Keskitalo dajai ahte otná buolvva mánáidmánát bohtet imaštit manne otná buolvva olbmot sirrejedje ruskkaid – muhto áinnas luite ruvkebázahusaid vuonaide, dadjá Elvestuen.
– Sámediggepresideantta ievttá cealkámušat galggašedje rahpat stáhtaministára Erna Solberg čalmmiid, dadjá gurutbellodaga stuorradiggeáirras.
- Loga dahje guldal sámediggepresideantta sártni dás.