NRK Meny

Guovddáš ja alpinaguovllu ásaheapmi

Riikaantikvára doarju Sámedikki áššis mas lea sáhká hukset Artic Center ja Finnheia alpinaguovllu, mas Sámediggi dáhttu váikkuhusguorahallama. Báiki gosa lea jurddá hukset dáid ásahusaid lea boazosámiid ássánguovlu, ja Sámediggi áigu bidját ovdan ahte dáppe kulturmuitut eai leat kártejuvvon. Reivves čállá Riikaantikvára ahte váikkuhusguorahallan dárkkistivččii man olu, ja makkár kulturmuittut leat plánenguovllus. Gaskavahkku galget Romssa suohkan ja Sámediggi ságastallat ášši.