Guovdageaidnulaš njunoševttohassan
Guovdageaidnulaš Klemet Klemetsen sáhttá šaddat Árjja bellodaga Ávjovári njunoševttohas boahtte čavčča sámediggeválggas, čállá Altaposten. Klemetsen lea árat dán mánu guođđán Gurutbellodaga go ii sáhttán šat dohkkehit sin politihka. Árjja álggaheaddji ja aitto luohpi Sámediggeáirras Laila Susanne Vars lohká aviisii ahte nominašuvdnačoahkkin ii leat ovdal boahttemánu loahpas, muhto lohká Klemetsen buorre evttohassan jos válljejit su.