Hopp til innhold

Bijai iežas ruđaid girku ruhtakássai go doppe váillui ruhta

Guovdageainnu girkus lei hirbmat ekonomalaš moivi muhtun jagiid áigi. Okta ovddeš girko bargi bijai iežas ruđaid girku ruhtakássii go fuobmái ahte ruhta váillui kássas.

Kautokeino kirke

Guovdageaiinu girkus lei ekonomalaš moivi muhtun jagiid das ovdal.

Foto: Marie Elise Nystad

Les på norsk

– Mun in háliit searvat jearahallamii, muhto mun sáhtán duođaštit ahte NRK:s leat rievttes dieđut áššis.

Nie dadjá Guovdageainnu girku ovddeš bargi go NRK riŋge sutnje gullan dihte lea go ášši duohta.

Árabut dán vahkku muitaleimmet ahte Guovdageainnu girku fertii máksit 150.000 ruvnna ruovttuluotta Sámediggái.

Dát lei doarjja maid girku oaččui ovtta giellaprošektii 2018. Muhto girku ii leat nagodan duođaštit masá ruđat leat geavahuvvon.

NRK lea gávdnan guokte ášši mat čájehit ahte girkus eai buot áiggiid diehtán gosa ruđat jávke ja manne.

NRK ii almmut namaid ovddeš girku bargiin, dan sivas go dát áššiid dáhpáhuvve máŋga jagi áigi.

Balai oažžut siva

Girku ruhtakássa lea searvegoddiráđi kontuvrras, doppe lea ruhta mii boahtá oaffara bokte dahje jus girku vuovda nugo girkogirjjiid.

Ruhta lea gaskaboddosaččat doppe dasso sirdo báŋkui.

Ovddeš bargi geavai čilget ášši birra Guovdageainnu girku oktasašráđđái borgemánus 2017.

Go oidnen ahte kássas ii leat nu olu ruhta go duođaštusaid mielde galggašivččii, de válden iežan ruđa ja bidjen kássii. Mun ballen jámas oažžut siva das go ruhta jávka girku kássas.

Ovddeš bargi

Ovddeš bargi de fuobmái juoidá mii hirpmahuhtti su.

– Fáhkkestaga oainnán eará háve ahte dál lea ruhta ihtán kássii, muhto ii lean seamma olu go álggos lei jávkan. Gii dan bijai dohko in dieđe.

Nie čilgii bargi girku oktasašráđđái.

Mearrádus áššis šattai ahte oktasašráđđi ii sivahallan bargi vaikko kássas lei jávkan muhtun duhát ruvdna. Oktasašráđđi mearridii ahte fertejit čavget bargo dábiid dat mii guoskkai ruhta kássa gieđahallamii.

NRK lea geahččalan beassat diehtit geas lei vuoigatvuohta girku ruhtakássa gieđahallat dien áigodagas. Muhto mii eat leat ožžon vástádusa girkus dien gažaldahkii.

NRK lea jearran ovddeš bargis ahte oaččui go máksot ruovttuluotta iežas ruđaid maid lei bidjan girku kássii maŋŋel go čilgii oktasašráđđái dán ášši birra.

Son čállá sms bokte ahte girku mávssii sutnje ruđaid ruovttuluotta.

Ole Einar Hætta jođihii searvegoddiráđi dien áigodagas go dát ášši meannuduvvui ráđis. Hætta ii searvva kommenteret ášši.

Ole Einar Hætta

Ovddeš searvegoddiráđi jođiheaddji, Ole Einar Hætta, ii vástit go NRK lea guhka geahččalan su oažžut kommenteret ášši.

Foto: Privat

Sirddii alcces ruđaid

Guovdageainnu girkus lei nubbe sullasaš ášši maid oktasašráđđi gieđahalai. Dán ášši meannudii ráđđi njukčamánus 2017.

Dán áššis lei sáhka nuppi eará bargis, son ii ge leat šat barggus girkus dál.

Oktasašráđđi váruhii bargi sirdán alcces ruđaid lobihága. Ráđđi ii gávdnan lunddolaš čilgehusa manne dát bargi galggai girku báŋkokontos sirdit ruđaid iežas kontui.

Áššis lei vel nubbe čuokkis, ahte bargi lei ráhkadan šiehtadusaid ovtta áššis mas sáhtii bidjat jearaldaga bargi bealatlašvuođas.

Oktasašráđi mearrádus šattai ahte eai vuolggat ášši bargi vuosttá.

NRK lea bivdán dieđuid áššis, man olu ruđas lei sáhka ja manne girku loahpahii ášši.

– Mun čujuhan jávohisvuođageatnegasvuhtii go lea sáhka girku bargiid birra, in sáhte kommenteret ášši.

Risten Turi Aleksandersen

Risten Turi Aleksandersen, ovddeš searvegoddiráđi jođiheaddji, muitala ahte su áigodagas maid muhtomin vásihedje ahte duođaštusat váilo máksámušaide. Muhto sii čovde váttisvuođa. 

Foto: Privat

Nu vástida Risten Turi Aleksandersen, guhte lei oktasašráđi jođiheaddji dien áigodagas go ráđđi meannudii ášši bargi birra.

Ráđđi čálii mearrádusas ahte lea nu gáibideaddji vuolggahit ášši ovddeš bargi vuosttá, ja lea unnán viežžamuš.

Mearrádusas maid čállo ahte girkoverdde lei gulahallan suohkana ekonomiija ossodagain ja girku bargoaddi organisašuvnnain. Sin mielas ii lean doarvái vuođđu cegget ášši.

– Man birra humat?

NRK riŋge bargái geas lei sáhka, muhto son ii loga iežas ipmirdit man birra lea sáhka.

– Mun in leat gullan ge ahte girku lea mu birra meannudan diekkáraš ášši. Diet gal lei ođas munnje.

Nie vástida girku ovddeš bargi. Son ii loga muitit iežas sirdán alcces ruđaid girkokontos.

Publisert Oppdatert

Norgga girku

Mer om: Norgga girku

NRK Sápmi – davvisámegillii

Mer om: NRK Sápmi – davvisámegillii

Samisk lenkesamling

1 av 3 samer i Troms og Finnmark har opplevd diskriminering
Mer om: Samisk lenkesamling

Mer fra NRK Sápmi

Korte nyheter

  • Ođđasat - Davvisámegillii

    Háliidit priváhta dearvvašvuođafálaldaga Áltái

    Álttá Bargiidbellodat, Guovddášbellodat ja Gurutbellodat lea bargagoahtán oččodit priváhta dearvvašvuođafálaldaga, Aleris bokte.

    Dát ii soabat ráđđehusa strategiijain. Ráđđehus áiggošii uhcit priváhta dearvvašvuođabálvalusaid.

    – Buot buoremus livčče dieđusge jos mis livčče almmolaš dearvvašvuođafálaldat mii nagoda buohkaid dikšut, muhto nu ii leat. Álbmoga bálvalusat leat buot deháleamos, ja mun sávan dat duohtandahkko, dadjá Álttá Bargiidbellodaga Ole Steinar Østlyngen, ja čujuha priváhta dearvvašvuođafálaldahkii.

    Altaposten muitalii áššis vuosttažin.

    Ráđđehusas eai ge doarjjo dán barggu.

    – Geavahit resurssaid hukset priváhta fálaldaga, ii atte buoret dikšofálaldaga álbmogii. Dušše sidjiide geain lea ráđđi máksit iežas lupmas, čállá Dearvvašvuođa- ja fuolahusdepartemeantta stáhtačálli Karl Kristian Bekeng e-poasttas NRK:i.

    Kantar iskos čájeha ahte gávccis logi olbmos háliidit priváhta ja almmolaš buohcciviesuide eanet ovttasbarggu, čoavdin dihtii dearvvašvuođabálvalusa hástalusaid, muitala Anita Tunold, Aleris hálddašeaddji direktevra.

    Ii ge leat vuos mearriduvvon ahte Aleris ásahuvvo Álttá gildii.

    – Jus mii áigot ásahit fálaldaga ođđa báikái, de fertet mii ásahit fálaldaga mas lea buorre dássi, ja ahte dat lea ekonomalaččat gánnáhahtti. Dat leat min prinsihpat, beroškeahttá gosa mii galgat, dadjá Tunold.

  • Nyhetssenter Troms og Finnmark

    Oppdrettsselskap bidrar til åpning av vei

    Båtsfjord kommune melder på sin nettside at de i år har, som tidligere år, fått et betydelig økonomisk bidrag fra oppdrettsselskapet SalMar til åpning av Syltefjordveien.

    – Dette muliggjør åpning av veien tidligere enn hva som ellers ville vært mulig.

    Kommunen skriver at på dagtid i ukedager, mellom klokken 07.00 til klokken 15.00, vil veien fra bommen være å betrakte som anleggsområde. Det er dermed forbudt for publikum å ferdes langs veien på grunn av sikkerhet.

    – Etter hvert som veien åpnes, vil snøscooterløypene som går langs veien stenges.

    Uteetaten har begynt arbeidet og har som mål å åpne veien så snart forholdene tilsier at det er mulig.

  • Nyhetssenter Troms og Finnmark

    Rykket ut etter melding om en bilbrann

    110 Finnmark melder på sosiale medier at brannvesenet i Kautokeino har rykket ut.

    Årsaken til utrykningen er en melding om en bilbrann.

    Bilen skal ha begynt å brenne utenfor Kautokeino. Det er ingen personer som er skadet, og 110-sentralen opplyser at alt er under kontroll.

Langlesing

Gahčosat

  • Telefon Kárášjohka:  78 46 92 00
  • E-post:  sapmi@nrk.no
  • E-post nyhetsredaksjon:  saminyhetsavdeling@nrk.no
  • Redaktør NRK Sápmi:  Johan Ailo Kalstad
Norsk Presseforbund, logo.

Vi arbeider etter
Vær Varsom-plakatens regler
for god presseskikk.

Den som mener seg rammet av urettmessig publisering, oppfordres til å ta kontakt med redaksjonen. Pressens Faglige Utvalg (PFU) er et klageorgan oppnevnt av Norsk Presseforbund som behandler klager mot mediene i presseetiske spørsmål.

Nyhetstips 03030

Kontakt

Hjelp

Tjenester

Produksjon

Salg

Til toppen