NRK Meny

Girdi moallanan

Ruoŧa poastagirdi mii lei jođus Oslos Romsii mannan ija, lea gahččan láhka Áhkkájávrre, Johkamohkis Davvi-Ruoŧas. Girdis ledje guovttis, fránskalaš ja spánskalaš. Guktot návdoba leat duššan, go ii leat veahášge jáhkehahtti ahte galgaba leat beassan heakkas. Dan muitala Anders Lenholm, Göteborga girdigádjunbálvalusas. Girdis eai loga go moaluid vel báhccán, dieđihit ges Det Svenske Sjøfartverket:is.