Gilduiga bargamis bohccuiguin
Davvi-Norgga Biebmobearráigeahčču lea mearridan gieldit guokte boazosápmelačča bargamis bohccuiguin. Albmá guovttos dubmejuvvuiga Hålogalándda Lágamánnerievttis biinnidan bohccuid, verrošan boraspirebuhtadusain ja rievdadan mearkkaid. Albmá guovttos guoddaleigga duomu, muhto Alimusriekti hilggui dan ja nu bisuhuvvo lágamánnerievtti duopmu. Biebmobearráigeahču mearrádus lea guoddaluvvon. Nu čállá Ávvir.