NRK Meny
Normal

Gielda ferte máksit 50.000 ruvdnosaš sáhku givssidanáššis

Mátta-Várjjat gielda sáhkohallo 50 000 ruvnnuin givssidanáššis mii lea bisttán máŋggaid jagiid vuođđoskuvllas.

Kirkenes

Mátta-Várjjat gielda sáhkohallo 50 000 ruvnnuin givssidanáššis, dá lea Girkonjárgga guovddáš.

Foto: Helge Sterk / NTB scanpix

Sihke skuvllabargit ja njunnožat dihte givssideamis, muhto eai bidjan easttadandoaimmaid johtui hehttet givssideami.

Politijurista David Schiøtt Nuorta Finnmárkku politiguovllus lohká ahte sáhkku sturrodat duođašta man duođalaš givssideapmi lea leamaš.

Tove Alstadsæter

Doaibmi sátnejođiheaddji Tove Alstadsæter.

Foto: Sør-Varanger kommune

– Mátta-Várjjat gielda dohkkeha sáhkku, lohká doaibmi sátnejođiheaddji Tove Alstadsæter.

Okta oahppi lea vásihan sihke fysálaš ja psykálaš givssideami 2010 rájes.

Advokat Hilde Stærk

Bealušteaddji Hilde Kamilla Stærk.

Foto: Privat

– Sihke váhnemat ja oahppi leat dál duhtavaččat go gielda dohkkeha sáhkku, lohká sin bealušteaddji Hilde Kamilla Stærk.