Gielda ballá lihkohisvuođas
Deanu gielda lea váruhusa almmuhan, ahte mánát lávejit goargŋut ráidalasain Deanu ođđa guovddášskuvlla táhka ala, ja táhka alde stoahkat, maŋŋágaskabeivviid ja eahkediid. – Dát lea hui varalaš, ja danin lea gielda cakkiid bidjan vai ii galgga leat vejolaš goargŋut táhka ala – liikkáge besset mánáid bajás, čállá gielda, ja ávžžuha váhnemiid dadjat mánáide ahte eai galgga skuvlatáhkii goargŋut. Gielda ballá lihkohisvuođas.